کتاب شناسی

تصویر
فرهنگ آبادیهای شهرستان خوی
نویسنده : عباس ملاعباس زاده   انتشارات قراقوش / چاپ اول 1391 / 8 هزارتومان در این کتاب به بررسی موقعیت جغرافیایی، جمعیت ، امکانات رفاهی، وضعیت معاش، آداب و رسوم و نظام اجتماعی و اقتصادی روستاهای خوی پرداخته شده است. در مقدمه کتاب اشاره شده که هدف از بررسی زندگی روستانشینان ، شناخت نقاط و ضعف آنها به منظور بهبود بخشیدن زندگی اجتماعی و معیشت ساکنان نوحی تابعه... ادامه مطلب...
فولكلور وارليغيميز مشاهده در قالب پی دی اف چاپ فرستادن به ایمیل
میانگین امتیار کاربران: / 1
ضعیفعالی 
عمومی - کتاب شناسی
نوشته شده توسط zaryab   
پنجشنبه ، 29 خرداد 1393 ، 18:37

70- نجي ايل ده گؤركملي تدقيقاتچي " علي ظفرخواه " ين "آتا بابا لار دئييب لر " كيتابي ياييلاراق ، اونون آذربايجان شفاهي خلق ادبياتي اوغروندا آپارديقي تلاش لار، آردي كسيلمه دن باشقا كيتابلار شكلينده ايسه نشر اولاركن فولكلوروموزو توپلاييب يازماقداسارسيلماز بير ائل وورغونو ايله راسلاشيريق .اونون كيتابلاريني اوخوياركن ، يازيچي نين آپارديقي اَمگي و دقتي داها آرتيق گؤزه چارپير. خصوصا كي تطبيقي بير آراشديرمادا ، قاباقكي ايل لرده آذربايجان دا ياييلميش فولكلور حاققيندا اولان كيتابلاري نظردن كئچيره رك چاليشيب او كيتابلاردا كي ماتريال لارين هئچ بيرين حاضير لاديقي اثر لرده تيكرار ائتمه يه مگر باشقا و يئني بير واريانت ايله اوزبه اوز قالا و معنا ايله يوروم جهتين دن اونلارلا فرق له نه .

گؤركملي آراشديريجي " علي ظفر خواه " ين اثر لرينده ، فولكلورون چئشيد لي موضوع لارينا اوغراماقلا، اونون اَلده ائتديگي ظفر لر ، اؤزل ليك له توپلاديقي كوچه بازار ايصطيلاح لاري نين ساييسي چوخ آرتيق و گؤزه گليم دير. اونون " آتا با با لار دئييب لر كيتابيني چيخديقدان سونرا ، او بيري كيتابلاري رنگارنگ بير جيلو ه تاپير لار. نئجه دييه رلر اونلاردا ، آغيز ادبياتي نين چئشيدلي ژانرلاري نين اؤرنك لري ايله آرا سيرا تانيش اولوب زحمت لرينه تكجه آلقيش دئمك ياراشير .هابئله " علي ظفرخواه " ، گتير ديگي ماتريال لارين چوخونا لازيم گليرسه كيفايت قَدَر تو ضيح وئريري. يازيچي اؤزو دئميشكن " بو سؤز لراوشاقليق دان ائشيتديك لريم ، دانيشديقجا ياديما دوشن لرين سئچيلميش لري و يا ايندي آغيز لاردان آليب اصالتينه آرخايين اولدقلاريم ديلار. "

علي ظفرخواه ين اثرلري ايله تانيش اولاق :

1- آتا بابا لار دئييب لر تبريز – 1370

2- فولكلور خزانه سي تبريز – 1379

3- ائل بيليگي ثروتيميز تبريز – 1383

4- دَيَر لي ائل ميراثي تبريز - 1386

5- فولكلور وارليغيميز تبريز-1388

6- كؤكلو حياتيميز تبريز - 1390

علي ظفرخواه (1321- خوي) ين " سئوگي " آدلي بير شعر توپلوسو دا واركي 1384 – نجي ايلده تبريزده " ياران " ياييني طرفيندن نشر اولوب ياييليب دير.

علي ظفرخواه ين آذربايجان فولكلورو حاققيندا بئله بير دئييمي وار :" مؤحتشم غني فولكلوروموز بونو بيان ائدير كي بيز واريق ، مخصوص مدنيتيميز وار و كؤكو موز درين درين لرده دير ...آنجاق نئچه كيتاب يازماقلا اوجسوز بوجاقسيز وارلي و بارلي فولكلورومز اسكيلمك بيلر مي ؟"

علي ظفر خواه ين چاليشمالاري آذربايجان فولكلورو عينواني له آدلانسالاردا توپلانميش ماتريال لارين بير پاراسي خوي ون مونوگرافي ساحه سينه عاييد ديرمونوگرافي يا فارسجادا تك نگاري آدلانان مردم شناسليق آراشديرمالارتكجه فو.لكلور يوخ بلكه گئنيش بي حيصه ني اؤزونه اختصاص وئرير. فولكلور ائل بيليگي دئمك دير كي اؤزونه گؤره نوع لري وارو مونوگرافي منطقه يه عاييد اؤزل ليك لري مردم شناسليق باخيميندا معين ائتمك دير كي فولكلور دا اونون ايچينده يئر آلير.

ميثال اوچون " كؤكلو حياتيميز " كيتابنا " گؤز آتيريق. بو اثرده مونوگرافي يه عاييد مطلب لر وار كي " ساخسي قابلار ، دييرمان داشلاري و پيچاقچي لار وباشقا اوخشار مطلب لر او سيرادان دير . هابئله بي آرخي ، اسكي بوغدا ماشيني ، توخوم مئيداني و كندلرين يئر آدلاري و بونا بنزه ر ماتريال لارهاميسي منوگرافي يه عاييد بحث لر ديلر .

دئمك كي خوي ون فولكلورو عموميت له و اونونلا ياناشي خوي ون اختصارلي مونوگرافي سي ظفر خواه ين اثرلرين ده يئر آلير كي بودا اونون درين باخيشي و كؤكلو آراشدير مالاريلا ايلگي ده دير .آنجاق او آكادميك بير چرچيوه يه آسيلي اولماياراق ، معين بير جغرافيايي اقليمين ، اقتصاد ، معيشت ،سياست ، اجتماع ، دين ، اينام لار، خورافات ، اينجه صنعت ، شفاهي ادبيات و حياتين باشقا جنبه لرينه داييرخصوصياتي تماميله آراشديرمايير و تكجه بير پارا سئچيلميش اؤزه ل ليك لره كيفايت ائدير. بو آرادا تكجه خوي ون فولكلورو دور كي ييغجام شكيلده آراشديريليرو كيتابلاريندا يئر آلير.بو آرادا بونودا خاطيرلاماق لازيم دير كي علي ظفرخواه كيتابلاريندا فولكلورون نوع لريني علمي بير شكيلده سئچيب آييرمايير و توپلاديقي ماتريال لاري بعضن تعريف لن مه ميش طبقه لرده يئر وئرير كي مثلن " يئرلي سؤزلر " دئدي يي بؤلوم ده لغت لر له ياناشي بيرپارا اصطلاح لااداريئر وئريلير كي " دئييم لر و بديعي افاده لر" آدلانديرديقي بؤلوم له اونلاري سئچمك اولمايير

بو چاتيشمازليق لارا باخمادان علي ظفرخواه ين رولو خوي ون فولكلورونو و بير سيرا مونوگرافي اؤزه ل ليك لريني بو گئنيش ليك ده ييغيب توپلاماسي اعجاز كار و دواملي بير تلاشين نيشانه سي دير .

 

اضافه کردن نظر


کد امنیتی
تازه کردن